Et si in parlot un mollet ed nous rachein-nes ?

Ch’cop-chi, mes gins, j’vas vous faire passer ein’ sorte ed test (i paraît qu’ch’est fort à la mote) pour savoir si o connaichez bien nou pato  et s’n’histoire (com-me j’in sus persuadé, cha va aller vite ).

Quèques mots pour vous espliquer commint qu’in va juer, et...... in voiture Simone !

Dins deux listes, o z’allez trouver d’ein côté des mots et pis d’l’aut’ des indices pour trouver l’pays ed dù qui viennent, jusqu'à là, cha va ? Alors, v’là ch’bachon .

Ches mots :

1) agosil -  2) maguette -  3) cadot  -  4) fieu -  5) loustic -  6) s’abanier    7) zièpe  - 8) agache  - 9) capieau - 10) s’ajouquer

Ches pays d’origine : ( faijez bien attention, i a des pays qui nous ont laiché   plusieurs mots ) :

a)  ..... ein’ fos ! - b) à ch’t’heure, in pourrot dire.... l’Eurose ! -c) quo qu’y a comme rosbifs dins ch’pays-là ! - d) si o trouvez ch’pays, o z’aurez ches deux orelles et l’queue ! - e) v’là ein pays qui nous a visités souvint, mais pas toudis pour les vagances ! - f) ch’ti qui commandot, dins ch’timps-là, i portot l’même prénom que l’père ed Cafougnette !

V’là l’traval, mes gins, à vous d’arcoller insonne  ches mots et leu pays d’origine. Bon courache, et si o z'arnonchez, allez vir ches réponses dins les autes paches, à l’prochaine, in l’f’ra plus lonque.

                                                                             Pour vir ches réponses

  1. patois

  2. le paquet

  3. chaise haute

  4. s’amuser, se divertir

  5. savon mou

  6. pie

  7. s’accroupir

  8. ensemble