I

V'nez aveuc mi , les comarates.

A mon de ch'cabar'tier tout près

Boire ein' bonn' bistouille ed malates,

Et même deux, si ch'n'est pont assez ;

Pis, j'vous racont'rai ein' histoire,

Verse à boire.

Qui fait l'malheur d'in pauffe garchon.

Beuvons donc !

II

O' z'avez connu l'tiot' Charlotte

Qué'j' fréquentos d'vant d'êtr' soldat.

Ch'étot certain'mint l'pus bellotte

D'pis Bully , tout plein d'finquée noire

D'tous ches trieuss's de ch'pays plat.

Verse à boire !

Jusqu'à Barlin ou bin Divion

Beuvons donc !

III

All avot bin promis d'm'attinte.

Tant qué j'seuche arvénu du Maroc,

Mais j'aros dû , tout d'suite comprinte

Qu'ein' glenne n'a point querre d'ête sans coq.

Quand qu'j'ai  arvénu, après la victoire

Verse à boire .

J'n'ai pont vu nulle part sin cotron.

Beuvons donc !

IV

Pindant l'temps qué j'faisos campane,

Dins l'désert et dins d'autes pays ;

Al a parti boire el champane

Aveuc un biau monsieur d'Paris.

Pour qu'al n'arviench' pus dins m'mémoire,

Verse à boire !

Et pour oblier s'trahison

Beuvons donc !

V

In m'a même raconté qu'Charlotte

N'fréquentot pus qu'des gros richards.

Qu'al savot bin soigner s'camelotte

Et faijot payer querre ches gaillards.

A m' print vraimint pour ein' bonn'poire.

Verse à boire !

A la santé de ch'biau chiffon,

Beuvons donc

VI

Si jamais j'artreuve ein' donzelle

A Paris , chel grante vill' d'infer,

I faudra qué j'm'arvinche dsus elle.

Ed tout l'chagrin qu'j'arais souffert ;

J'cass'rai tous les dints dé s'maquoire.

Verse à boire !

J'écras'rai ses yux, sin grognon.

Beuvons donc